មណ្ឌលគីរី៖ នាយកដ្ឋានសុខុមាលភាពជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី បានជួបប្រជុំជាមួយមន្ត្រីទទួលបន្ទុកកម្មវិធីឃុំស្រែអំពូម ស្រកពេជ្រាដា ក្នុងការតាមដាន ត្រួតពិនិត្យ លើការអនុវត្តកម្មវិធី កំណត់អត្តសញ្ញាណកម្មពិការភាព តាមគំរូសង្គម និងសិទ្ធិជាមូលដ្ឋាន។

កិច្ចប្រជុំនេះដឹកនាំដោយអនុប្រធាននាយកដ្ឋាន លោក លុយ ចាន់រិទ្ធី ព្រមទាំងគ្រូបង្កោលនៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី នាថ្ងៃពុធ ថ្ងៃទី ១១ ខែ តុលា ឆ្នាំ ២០២៣។

បន្ទាប់ពីបញ្ចប់កិច្ចប្រជុំ លោក លុយ ចាន់រិទ្ធី បានចុះពិនិត្យការសម្ភាសន៍ផ្ទាល់របស់មន្រ្តីទទួលបន្ទុកកម្មវិធីឃុំ ជូនជនមានពិការភាពបានចំនួន ២ នាក់ ដែលស្ថិតនៅភូមិស្រែអំពូម ស្រុកពេជ្រាដា ខេត្តមណ្ឌលគិរី។

មន្រ្តីនៃនាយកដ្ឋានសុខុមាលភាពជនពិការ នៃក្រសួងសង្គមកិច្ច បានឱ្យដឹងថា សម្រាប់ខេត្តមណ្ឌលគិរីបានអនុវត្ត ក្រុងចំនួន១ ស្រុកចំនួន៤ ដែលមានជនពិការបានសម្ភាសន៍ចូលក្នុងកម្មវិធីការកំណត់អត្តសញ្ញាណកម្មពិការភាព តាមគំរូសង្គម និងសិទ្ធជាមូលដ្ឋានបានចំនួន ១ ១៦០នាក់ ក្នុងនោះមានស្រីចំនួន៤ ៩៩នាក់៕